Федерация
Шымкент қаласы Қазақ күресі федерациясы 1995 жылы құрылған.
Содан бері ұлттық спорттың төл мұрасы — қазақ күресін дамыту, кеңінен насихаттау және жас ұрпақты тәрбиелеу жолында табанды жұмыс істеп келеді.
Біздің басты мақсатымыз — спорт арқылы жастардың денсаулығын нығайтып қана қоймай, олардың бойына тәртіп, қайсарлық, ұлттық рух сияқты қасиеттерді сіңіру. Жылдар бойы жинаған тәжірибеміз бен кәсіби жаттықтырушылар құрамының еңбегінің арқасында біз талай спортшыны үлкен додаларға дайындап шығардық.
Қазақ күресі — жай спорт емес, бұл — рух, тәрбие және ұлттың айнасы.
Егер сіз де ұлттық спортқа жанашыр, болашағы бар баланы тәрбиелеп отырсаңыз, бізбен бірге болуға шақырамыз.
«Бізбен бірге болуға шақырамыз»
Шымкен қаласы қазақ күресі федерация ұжымы
Мақсатымыз
Шымкент қаласы Қазақ күресі федерациясының басты мақсаты — ұлттық спорттың асыл мұрасы саналатын қазақ күресін дәріптеу, жас буынды салауатты өмір салтына баулу және тәртіпті, рухы мықты, отансүйгіш спортшыларды тәрбиелеу. Біз күрес арқылы ұлттың рухын көтеріп, спорт мәдениетін нығайтуды көздейміз.
Көзқарасымыз
Болашақта қазақ күресі — тек ұлттық емес, халықаралық аренада мойындалған беделді спорт түрлерінің біріне айналып, Шымкент — қазақ күресінің дамуы мен жетістігінің үлгілі орталығына айналады. Біз өсіп келе жатқан ұрпақтың бойына жеңіске деген жігер, тәртіп пен табандылықты сіңіру арқылы ел намысын абыроймен қорғайтын чемпиондарды тәрбиелеуді мақсат етеміз.
Құндылықтарымыз
- Ұлттық рух
- Тәртіп пен құрмет
- Жауапкершілік пен тәрбие
- Жетістікке ұмтылыс
- Даму мен қолдау
